الرحمة يا زمن
خاطرة نثرية / زينب سالم
بالراحة شوية يا زمن قادر
بصراحة اعملي شوية خاطر
الرحمة من ضرباتك الجامدة
يا زمن و الله عالألم صابر
بتيجي لي الضربات كتير
كل شوية كإنه طوب بيطير
مرة حصى و مرة دبش
يا ريتني في السما أطير
الشكوى لغير الله مذله صحيح
السلوى حتى أن جت تفاريح
يا رب مستنية الفرج يجيني
ان كان حبة راحة بعد تجريح
هتكمل معايا عقابك يا زمن
و أتحمل غربة و حسد و فتن
هيفضللي أتحمل و أصبر
يا ريت بعد كدة يرتاح البدن
إن كانت نوايا الناس تتشاف
أو قلوبهم و مشاعرهم أصناف
إحفظنا يا رب من غدرهم
من ضماير من ربنا ما تخاف
هأنتظر يا زمن تنصفني مرة
من تعب و شقى و عيشة مرة
تحلو حياتي و تنور جوة و برة
ألاقي بعد المرار أعيش حرة
كلماتي / زينب سالم
ليست هناك تعليقات:
إرسال تعليق