دوبنا
دوبنا والله دوبنا
دوبنا ف دباديب حبايبنا
والسحر اللي فى عيونهم
سحرنا ومس قلوبنا
ياحبيب الروح ياحياتي
يانصيبي من دنياتي
لك بسمة طفل صغير
ياخواتي عليها ياخواتي
فاكر لما وعدنا
ربنا وإدانا نصيبنا
وجيت نورت بأهلك
وقولتوا لابويا ناسبنا
يومها مالينا فى بيتنا
بالفرحة وصوت زغاريطنا
وقمرنا سهر ويانا
ونجومنا لالت فى ليلتنا
ياروح الروح ياعنيا
يابو ضحكة تدوب مية
لو غبت شوية ياروحي
يحتار فيا المداوية
فاكر نظرة عنيك
وحنان لمسة إديك
لما كنت أسلم
تسكن إيدي إديك
فاكر الأماني
طب فاكر الأغاني
كنت أغنيهالك
بعنيا ومن ألحاني
فاكر شهر عسلنا
لما بعسله ملالنا
من نبع الحب كاسات
وشربنا ياما شربنا
ما عطشنا الا اما شربنا
نشرب ونقول تاني هات
سلامات ياحبيبي سلامات
ياساقيني العيشة شربات
سلامات سلامات سلامات
سلام ياجميل سلامات
بقلم طارق السيد
ليست هناك تعليقات:
إرسال تعليق