( عازب )
ياخوانْا قولولى
أنا وحدى بطولى
عايش متعزز
طب ليه اتجوز
وكرامتى حافظها
لو وقت مااعوزها
ح القيها ف كيسها
على إيه اتنرفز
منا عايش بيه
باكل ف بنيه
وباتون وساليه
والبس واتبروز
أنا دايما رايق
ومصحصح فايق
ولا يوم بدايق
ولا حتى ببوز
ولا شاغل بالى
ولا هم عيالى
خللانى ألالى
خللانى أعجز
عايش وحدانى
سلطان ف زمانى
ولا مره بعانى
وف شغلى مركز
على إيه اتجوز
(نبيل الوردانى )
ليست هناك تعليقات:
إرسال تعليق