قصة حياة
بقلم حمدى نورالدين
بيقولولى أكتب قصيدة
عن صوره جافه
وشمعة نايحه
وكام عود ثقاب
فى الجو طاير
والشمعة مجروحة
حزينه ودمها
بجنابها سايل
وقلبها من حر نارها
منزوع وطاير
وإلى واقف تحت منها
بإيده ناره
وإلى منتظر اشتعاله
وأنت تحتك مقابر
وسماك مالها
مش صافيه ليه
ليه مليانه شحوب
ولا ده سحاب
فى الجو عابر
بيقولولى أكتب قصيدة
ياشمعة مجروحة حزينه
متقوليلى بس مالك
مين إلى قلل من شأنك
وهان احترامك
مين إلى كسر فرحتك
وقت اشتعالك
فين الى يقدر يفهمك ويقدرك
وقت انصيهارك
قولى وبلاش نكابر
ووعد منى أرد اعتبارك
مين إلى موت ضحكتك
مين إلى سيل دمعتك
وأنت إلى بتنورى لينا الحياة
ايه بس مالك
بيقولولى أكتب قصيدة
من وحى صورة
بس دى مش بس صورة
دى للأسف واقع حياة
حياة قاسيه ومريرة
ودموع شموع وويل وآه
وحاجات كتير سكنانة
وكام ألم مجهول مداه
بيقولولى أكتب قصيدة
عن صوره جافة
ونار بتحرق فى الحياة
والحياة مجروحه واقفة
على شكل شمعة
وقلبها منهوب صباه
وفتيلها مشدود ناره قايدة
متباهى لسه بصباه
معزور مش عارف نهايتة
إنها رماد وحسره
ودموع وعويل وآه
بيقولولى أكتب قصيدة
والقصيدة قصة حياة..
#حمدى_نورالدين
ليست هناك تعليقات:
إرسال تعليق