حق الكفن
*********
نام يا بيه
تحت بطاطين والحفا
حس كمان بالدفا
دفى طيورك اكل كلابك
واقفل كمان يا حلو بابك
واصحا جنابك البس بدل
والناس تشاور الباشا وصل
سايب ضميره نايم فى سريره
شكل البعيد فقد البصيرة والبصر
اصل لما تعيش فى طرف
والفتات تكفى فقير وتضن بيها
يبقى ده اسمه ....... قرف
برد الشتا يا خال بيوجع ضلوع
واللى عايش فى قلوع
تلقى ضلوعه من الدفا
نشعت عفن
واللى زى صحبنا عادى
لما البرد يقتله
نلم له حق الكفن
................................ احمد كمال
ليست هناك تعليقات:
إرسال تعليق