((( حرير الروح)))
الشمس صحيت
فتحت... ستاره وشيش
والنور طلع بندقي
يرقص ف قلب الماس
زغرد ب لحنه النقي
رفع الادان درويش
وضا العيون للصلا
يكشف براءة السن
ياموده جوه الغنا
ف كعبتك ساجدين
يازهره يا ام الحسن
ف حرم الجمال والذكر
وفوق نسيم بسمتك
خاشع حرير الروح
وصوت ربابه محشرجه
ف حلق الغنا ب البوح
صوفي وصافي الولد
يتغرغر التوحيد
يسكن عيونك خجل
والخد ورده يفوح
وسبحانه خلي النغم
عاشق لحضن العود
تلاقيه مكان خطوته
طارح زهور وورود
صياد شباكه شذي
من عود بيتمختر
سمع نداه الولد
مع النسيم كبر
قطع وريده رواه
وقصر المسافات
#بقلمي_ابراهيم_الفيراوي
ليست هناك تعليقات:
إرسال تعليق