صباحكم اوطان محرره
============
يا موطني فلسطين يا زينة الاوطان
===
يا حلوة الحلوين يا جنة الاكوان
من اول التكوين بارك بك الرحمن
===
التين والزيتون واللوز والليمون
والورد والحنون ارضك عملها جنان
===
العكوب والزعتر واللوف والشومر
والقمح عالبيدر بيغازل الطحان
===
البلبل الشادي الزجال والحادي
في الجبل والوادي شبابة الرعيان
===
الغز ع تلالك يا شامخه جبالك
الكل غنى لك يا ساحره القصدان
===
اهلك نشامى صيد ابطال ما بتحيد
شمع النصر بتقيد من دم بالشريان
===
فلسطين اجمل ارض انت القلب والنبض
حبك علينا فرض بالسنه والقراّن
==
ع ترابك ربينا وحبك سكن فينا
اسمى امانينا تتحرر الاوطان
===
انتي حبيبتنا انت عزيزتنا
يا رمز عزتنا عا طول هالازمان
===
يا مقدسه يا قدس يا طاهره من الرجس
فيك العدو النجس بيذوق للخذلان
===
القدس يا دره يا شامخه وحره
ما هنتٍ بالمره في وجه هالطغيان
===
بالعين نحميكٍ وبالدم نرويكٍ
وبالروح نفديكٍ والقلب والوجدان
===
انت يا شمس الكون رح يرحلو من هون
مهما بني صهيون كثفو الاستيطان
===
يا نغم ع شفافي يا حضننا الدافي
لك عهدنا وافي تندحر العدوان
يا موطني فلسطين يا زينة الاوطان
====محمود شبيب ====
ليست هناك تعليقات:
إرسال تعليق