لِسّه فَاكِر
لِسّه فاكِر قلبى لِسّه
كُنت فاكْرَك غَاوِى تِنسَى
لِسّه فاكِر تانِى تِرجَع
لِسّه نَاوى تَانى تِقسَى
إوعَى تفَكّر إنّى نسِيتك
قبل رجُوعك أنا حَسِّيتك
فاكر قلبى لَمّا اختَارَك
فاكِر لمّا بدَمعى وَاسيتك
إوعى تقُول انّك نَدمَان
أو فَكَّرت تكُون إنسَان
شَايف غَدرَك جُوّا عيونَك
عِينَك فِيها الغَدر يبَان
خايف لِيه تِبقَى صَرِيح
دَمعك أصلُه دمَوع تمَاسِيح
راجِع لِسّه هاتكدب تانى
راجِع تِقتل قلب جَريح
راجِع تانى عَشان تِخدعنى
لِسّاك ناوى تانى تِوجعنى
فاكر قلبك لما ظَلَمنى
فاكِر لَمّا هَجَرنى وبَاعنى
لا ياحبيبى قلبى اتعَلّم
قلبى خلاص عُمرُه ماهيسَلّم
هافهم قصدك واسمَع صُوتَك
حَتّى قبل انت ماتِتْكَلّم
قلم / سيد عبدالوهاب
ليست هناك تعليقات:
إرسال تعليق