طي الضي
إنفجار ثم إنشطار تم إنهيار
ثم الفرنجة والتتار
إصحوا فوقوا ياخلق هو
إوعوا ينهار الجدار
إللي يشرد يوم يتوه
مايعودش تاني للديار
يابكرة ياللي جاي جري
جاي طاوي الضي طي
متشح ليه بالسواد
رد قاللي مستحيل
تقوم عنقاءنا من الرماد
قلت تني يابكرة واقف
ضد أي ديب حلنجي
وإللي عايش في الفساد
واللي يإذي في العباد
والمستلوح اللومانجي
إمتى ينزاح الستار
نلمس شعاع ضوء النهار
يسري فينا دفا الوجود
تجود الأرض بالخضار
أصلب عودك وإفرد طيك
عشنا يابكرة إمبارح زيك
هل علينا بفجرك وردي
وإبعت لنا من فضلك ضيك
بقلم طارق السيد
ليست هناك تعليقات:
إرسال تعليق