آه يا بلد
وعجبى عليك يا وطن
يالى علمتنا الكدب
ونصدق ناس كدابين
وجعلت رقابينا تنداس من حكام ظالمين
واه يابلد
فىكى الوف الوشوش تمثيل
وش خاين
وش صادق
وش فى الكدب ملوش مثيل
وش حزن وش فرح
وش طرح من قوت الغلابه ملايين
وش مات الضمير جواه
وش تشوفه تستعيذ بالله
وش تسمى عليه الله
وش شقى ووش بقى
على مر السنين
ضهره محنى من ظلم خاينين
واه يابلد
آه يابهية ياكدابه
يالى دريتى قاتل ياسين
ونقول لمين
كتير كدابين
واه يابلد
لما يبكى الحجر
لما يصرخ ترابك
من كتر الدم
واه يابلد
وعجبى عليكي
وانتى بتمددى
ورجليكى مغروسين ف الطين
والدمع ع خدودك بالالوان
دم الغلابه سنيين
وعجبى عليكي
يا بهيه ومن غيرك
قتل ياسين
يا قاسيه القلب
يا ام عيون خداعين
ونقول لمين
واه يابلد
علمتنا الكدب
فسرنا شعب حزين
وعجبى عليكي يا بلد
عبدالله العراقى
ليست هناك تعليقات:
إرسال تعليق