#تراسيب_شقا...#الشاعر_صبرى_أبوطالب....تحياتى القلبية للجميع
تراسيب شقا...
و تروس فى قلبى معشّقة
فاتت عليها سنين كتير
لا اتغيرت....
ولا بان عليها فى يوم تغيير
ثابتة فى مكانها...
واقفة بتحلم زى الطير
جناحاته يفردها الهوا
وتطير فى حضنه محلّقة
نظرةعيون زى القمر...
هزتها هز برمشها
إسمة و نصيب...كله بقدر...
فى القلب حدفت سهمها
كل التروس إتحركت...
دابت بشوقهافى بحرها
وكأن سهم الهوا...
صابها حنينه بمطرقة
حرك مشاعر قلبها...جرّا الغرام فى دمها
و آمنت أنا من وقتها...
الحب دا سحر ودوا....و الحل لأصعب مسألة
بقلم الشاعر/ صبرى أبوطالب
ليست هناك تعليقات:
إرسال تعليق