بعدين يا ....
بعدين يا ملاك
آخرتها معاك
هو أنت عاوز
تنساني وأنساك
يبقى إنت بتحلم
بسناني مسكاك
طاب إيه آخرتها
جبت إنت آخرتها
حتى أحلامنا
ركبت باخرتها
وعيون حسادنا
فوق قلبي وقلبك
حطت صخرتها
كل ما مشاعري
منك بتقرب
ألقاك تاخرتها
ما كفاية بعاد
دا غيابك زاد
والبعد حرام
يقتل في غرام
على مر أيام
طاب إسمع مني
وصدقني إكمني
حبيت بإخلاص
والحب داهه
بح وخلاص
خلينا نتسامح
ولبعض نصالح
ساعتها هترتاح
وتعيش أفراح
وهيبقى ما بيننا
السعد سلاح
عصام الباز
ليست هناك تعليقات:
إرسال تعليق