مسكت قلمي
مسكت قلمي في إيديا
وحاولت أكتب إحساسي
عن حياه مليانه بالغدر
وعذاب ومرار ومآسي
رفض القلم إنه يكتب
ويعبر عن اللي في راسي
قولت أصرخ بأعلي صوت
وفجأه أنكتمت انفاسى
عايش حياه ماهيش حياه
غريب بين أهلي وناسي
حتى الصاحب بقي خاين
والأخ غدار وآسي
فقدت عقلي وشعوري
من الفكر حزين وبأسي
وقولت خلاص دا دوري
والمر كان هو كاسي
في ناس عايشه تعذبنا
وعامله نفسها بتواسي
قتلوا الفرحه جوا قلوبنا
علشان مناصب وكراسي
☆☆☆☆☆☆☆☆☆؛
بقلم الشاعر مبروك علوه
Got my pen.
ليست هناك تعليقات:
إرسال تعليق