الحكايه فى السريع
بنت اجمل م الربيع
عايشه وسط الاهل لكن
كل حد ف همه ساكن
كل متغرب بيتعب
بس غربه وسط أهلك
ميه ميه ها تبقي اصعب
سيبكو مره من الي ظاهر
بصوا دايما في النفوس
هي تحكي عن المشاعر
هما يحكو عن الفلوس
مش كل السجون اسوار
مش كل البشر أعمار
سجنك انت جوا نفسك
يوم جحيم والباقي نار
في ناس بتضحك م الفرح
وناس بتضحك م الوجع
ها تحسو بيها اذاي قولولي
ما يحس ألا اللي اتوجع
فاكرينها طفله لكنها
قلب اتكسر يوم واتدفن
هي ف زمن هما ف زمن
ومين هيدفع الثمن
بتقضي ليلها تبكي فيه
والصبح ترسم الابتسامه
والشرح جوا في قلبها
عليه يادوب مليون علامه
زرعه طالعه ف أرض بور
ورده مش شكل الزهور
طيبه من وسط الشرور
عمر كامل م العبث
انتي اجمل طير بيضحك
بس ماتت ضحكته
لما م الأهل اتحبس
اسماعيل منياوى
ليست هناك تعليقات:
إرسال تعليق