/////حبيبتي
بقلم الشاعر / دكتور احمد حافظ
النهارده لما شوفتك لقيتك اجمل خلق البنات
لما عيني جات في عينك نادت عليه الذكريات
كنت خلاص قلت الحب مات كنت قربت انسي
اللي فات
بس النهارده ياحبيبتي شوفتك
كان قلبي ناداني من يومين
اوعي تسمع اوعي ترجع
جرحك القديم لسه بيلسع
والجفون ضاع سحرها لما سهرت
الليل بتدمع
//////////لكني النهارده ياحبيبتي شوفتك
حسيت بقلبي حبيبتي سابني
لقيت حنيني. للماضي خدني
قلبي سابني لما شوفتك
راح واترمي في حضنك
سمعت صوت من بعيد
اوعي ترجع اوعي تعيش زمن العبيد
ولما شوفتك واليدين لمست ايديكي
ساعة السلام
الصمت لجم لساننا وخلاص سكت الكلام
وكلمة حبيبي جمعت كل الحروف الا كلمة
معاتبه او ملام
والحنين كحل عيوننا بالدموع والايدين ضمت
قلوبنا بالهيام
لقيتني النهارده لما شوفتك قلبي حن للرجوع
الشجن سبل عيونه واشتكي القلبين لبعض
واستجد الحب تاني لكن رجع الصوت ناداني
قولتله حرام عليك ده حبي الاولاني
شوفت فيكي الحب همسه
عشت بيكي الحب بسمه
حلمت معاكي في حلم واحد
ان الحب لمسه من خدودك
حسيت معاكي الحب دمعه من عيون حبت زمان
بس يوم رجعوا مجروحين بالدموع متكحلين
لقيتني ماشي في طريقك جوه رحله ماتنتهيش
لقيتني عايش بين ضلوعك قصة عشق ما تتحكيش
لقيت شفايفك شوية حروف معناها ما تنسانيش
النهارده انتي رحله النهارده انتي قصه سطورها
كتلة مشاعر
النهارده انتي لقلبي حصه كتب فيها كل الحروف
لحبك قلب شاعر
قلبه كان فيها السطور وعيونك حبيبتي الذكريات
النهارده وكل يوم كل لحظه كل ثانيه
نفسي افضل في حضن قلبك انتي وحدك للممات
///////////كلمات
//////@//////////دكتور احمد حافظ
ليست هناك تعليقات:
إرسال تعليق