عشقان روحك
الشاعر / رامز عيد
عشقان روح الرب فيكي و مطهرو
يللي سكنتي الروح قلبي و معطرو
وجناح متل ملاك بمهجتي طيار
نهدات صوت غلاك يارجوتي تختار
اسمك يامجد القلب روحي تعصرو
متل الخمر بالراس عطرك هالحلو
خد السكر ميّاس سحرك مشغلو
تم التمر بالكاس طيبك مأكلو
يا روح قلب الورد عبقك مسحرو
سهران فيكي الليل بنجوم وقمر
وسكون ضي سهيل بخدودك ظهر
عمر السهر بالعين برمشك مختصر
نديات كم الورد تمّك قطّروا
بحبك جنون الرعد بالبرقة خطر
وغيوم حلم الوعد حبات المطر
وراق الشجر بالعد حبي ينقصر
وبعداد نجم الكون لأجلك يسهروا
عيونيك ياضي العين رمشي و منظرو
رامز عيد
٢٢/٠١/٢٠١٦
ليست هناك تعليقات:
إرسال تعليق