ورقــــــه عـُـــــرفـــــى
بقلم الشاعر \ أحمد شاهين
كنت شاب فى أولى جامعه
والبنات يوووو مش حقول
إللى لابسه وإللى قالعه
وإللى ماشيه بالأصول
وإللى تضحك لك وتغمز
وإللى تلويلك ف بوز
كنت تافه كنت طايش
حواليا كتير شذوذ
كنت برسم ع البنات
ألف قصه وحكايات
كل واحده تبقى فاهمه
إن أنا إبن زوات
وانا أصلآ جوا عيله
عيله معدومه بجد
وفقير إبن فقير
وفقرى زاد كل حد
كنت كل ليله بحلم
ببنت حلوه تبات معايا
هى أحلامى الجميله
مُتعتى عمرى وصبايا
قُلت أجرب الطريقه
إللى ما تخيبش أبدآ
روحت قولتلها الحقيقه
إنى بحبك وجدآآآ
بس أعمل أيه يا روحى
الظروف دى مش ف صفى
بس عاوزك وشاريكى
دا أنا إبن حلال مصفى
وقالت لى نعمل أيه
قلت ليها ورقه عُرفى
بيها تتحل المشاكل
وبيها نتجمع سوى
لا تقوليلى أمك وأبوكى
أهم شئ هو الهوى
وكتبناها وشهود
ألف مبروك يا جماعه
حاجه ساقعه ولوكانده
لحظه حلوه زوج وطاعه
عدت الأيام علينا
م الظروف ياما إستوينا
وظهرت على حقيقتى
لا غنى ولا عندى عيله
كلمتين يلا إتخانقنا
وكل واحد راح لحاله
هى ورقه إتقطعت
والوفاء أه يا جماله
كنت بارسم كل مره
على واحده تكون ملاك
وما كنت أوصل لغرضى
كنت أسيبها بإشتباك
ورقه عُرفى ضيعتنا
غيرت مجرى حياتنا
البنات بيها يتوهو
وتزيد بيها أهاتنا
ورقه عُرفى
الوسيله
الحكيمه
الجريمه
ولإمتى يطول سُكاتنا
ما بلاها شُغل سيما
الزواج الشرعى هو
إللى بيعمر حياتنا
دى النصيحه إللى بقولها
لشبابنا وبناتنا
إوعوا حد فيكو يغلط
دى جريمه مش جواز
كل شاب بيها قصده
المراوغه والإبتزاز
ربنا يُنصر شبابنا
بالفضيله والعفاف
والعقيده الرزينه
والكتاف حنب الكتاف
ندعى ونقول لك
يااااااااااااااااارب
إنصر الحق وراعيه
وإبعدنا عن كل
كــــرب
والأمل بينا نلاقيه.
كلمات \ أحمد شاهين
12 \ 1 \ 2016
ليست هناك تعليقات:
إرسال تعليق