داء الحزن
بقلم الشاعر / رامز عيد
------------------
ولعان قلبي نار بالحرق انكوى
بالصدر دخنة حب بالآه تغمرني
شعلان عرقي جمار عالشوق انطوى
والدمع زاد الحرق عالخد يقهرني
ولحظي بنظري صار عالفرق انشوى
بالطيف عبقة غلب بالآخ تجبرني
لا عاد اقدر شوف ولانظري هوى
لف الرماد الرمش ياليل خبرني
عشت الوهم بسرار عالبعد انغوى
والضجر لف سكوت بالويل يئسرني
والامل فيي ضاق بالظلمة استوا
تالحجر متل صار بالصم صايرني
هالفجر صبح يلوح عالشق التوا
ويزيح عتم القلب بالعين يسحرني
ويبان ضي الحب بمهب الهوا
نسمة حلا بتفوح بالروح تصبرني
بعد الحزن و الويل افراح الدوا
والداء مهما طال ما عاد يقبرني
القبر الوحيد بفوت لبعاد المدا
روحك يانعش الروح بالحن تطمرني
رامز عيد
٢٤/٠١/٢٠١٦
ليست هناك تعليقات:
إرسال تعليق