انا المصري القاهري ......
شعر / محمد رضوان
انا المصري القاهري ......
انا العربي .......انا الأفريقي
كل طريق في الكون طريقي
كل حبه رمل في أرض بلدي
تحكي مجد جدودي
مين اللي يقدر يغزو حدودي ؟
وكل شبر عليه أسد من اسودي
واللي يفكر يبني سد
ويمنع الماية عن ورودي
واللي فاكر مفيش حد
هيرد علي قتلة جنودي
مهما كان مين خانها
براها لعن حالها
جواها نهب مالها ..
مش هتنزل الدمعة علي خدودي
الكل هيعرف قيمتها
عربي كان أو إفريقي
اول الخلق كانت ع الأرض ظاهرة
بستان مفيش غيرها زهرة
الشمس ليها لوحدها
والقمر بس علي أرضها
مين في الكون كان قبلها ؟
العالم اكل من حصاد قمحها
الفراعنة خلدت في المعابد اسمها
مين في الكون عنده آثار زيها ؟
أنا ابنها .....
انا اللي اقدر اتكلم عنها
فتحت للعالم مدارسها وعلمها
قاهرة العدو طول زمانها وعمرها
انا ابنها .....
مش هخون ابدا عهدها
هموت فداها ..
واكون معاها ..
في حلوها ومرها
منا الجدر اللي راسي في ارضها
انا السحاب اللي ضلل عليها
والمطر اللي غسل شعرها
انا ابنها ....
وهي الأم اللي برتاح ليها
بموت انا فيها
مهي امي وانا ابنها
ليست هناك تعليقات:
إرسال تعليق