حكاية جدع
بقلم الشاعر سامى رضوان
اسمع حكاية جدع بحكيها
لك ياجدع دا زمنا والله غريب
على قد حالى فى الحياه عايش
والفقر مش عيب
عيب الجدع ساعة الشدايد
ينحنى يبعد وعنها يغيب
أما الأسد حيعيش أسد ومادام أسد
عمره ما مد ايده لغريب
اسمع حكاية جدع فى دنيا دواره
بعوه بأرخص تمن واللهى
دا خساره وأ صل حياتنا نصيب
فى ناس كتير تعبانه وجيوبها مليانه
ونفسها تشفي وكله فى علم الغيب
اسمع حكية جدع كانت حياة كفاح
عشها ألم وجراح كل يوم تعذيب
ولاعمره يوم ارتاح والعمر
منه راح ملقاش لنفسه حبيب
أصل الحياه ياساده بشر لمال عباده
فيها اللى غاوى قياده وفيها سيب وأنا أسيب
اسمع حكاية جدع عايش بضرب الودع
ماشى فى حواريها شايل ورق يناصيب
مين يشترى الورق دا فوق سطور الورق
حكايات بنسمعها ساعات وساعات كتير بتغيب
أصل الحكايه الجدع حيفضل جدع
ومش بضرب الودع ولا بورق يناصيب
أصل الحكايه أمل وعمر الأمل مايخيب
حكاية جدع
بقلم الشاعر سامى رضوان
ليست هناك تعليقات:
إرسال تعليق