(كفاية )
يا مسففانا تراب
والدم فيكى يسيل
يكفى غنا وتطبيل
الظلم مش بالجوع
والعدل مش مواويل
هخرج خلاص م الطوع
هكتب بدم النيل
رافض يا بلدى خضوع
رافض آكلها ذليل
صوت الحلال ممنوع
بيعتى النهار بالليل
ايه يعنى مات موجوع !!!!
ما فيه عندى زيه كتير
خنقونا بالدساتير
عجل البلد بقى طور
حط البهيم دستور
أصبح كبير ووزير
طبل وراه الجمهور
حبة تران فى قصور
غرقانة فى التمثيل
ضاعت طهارة النيل
يا أم الهرم والهول
والثورة والتحرير
كل الشباب مسطول
كل اللى باقى قليل
ما تعدلى الدستور
دستورنا مش تنزيل
ليه بتسيبينا لطور
ينطح بقرنه كتير
حطى العدالة مواد
والظلم مش تقرير
حطى الترف والزاد
يوصل لكل فقير
مش ناس معاها وفاض
تلبس حرير فى حرير
وناس لاجل أكل الواد
تشقى فى نهار وفى ليل
يا مسففانا تراب
الظلم فيكى كتير
حوجانا للأغراب
وبتكرهى التبديل
كل اللى عاصى ما تاب
الا انتى هبة النيل
قبل أما تبقى سراب
فوقى عشان ده كتير
ليست هناك تعليقات:
إرسال تعليق