《 فضفضه 》
أقول وأسمع ....
كلام من نَفْسي
عن نَفْسي
كلام يوجَع ....
وأتوه وارجع ...
ولمّا النَفْس أحاسبها
الاقيها بتلهيني
وتقول بُكره الحساب يجمَع ....
واسيب روحي تروح لمكان
مكان مجهول بلا عنوان
وأعود ندمان
وياريت الندم ينفَع .....
وياريته يفيد
في قلب عنيد
قلب جبان
قلب اعتاد علي العصيان
ولا بيلين ولا بيخشَع .....
وكل ماأنوي علي توبه
يهزمني مبدأ التسويف
لأني ضعيف
لأني كفيف
حاجب عن عيوني الضي
و مستني القمر يطلَع ....
سعادة حضرة المخدوع
مفيش موضوع
خُلاصة همسك الموتور
ساعات النور
بيبقي سراب
تشوفه بقلبك المفتون
كأنه نجاه
بحق الله
حذاري سكة المجهول
ياريت تسمع !!
ليست هناك تعليقات:
إرسال تعليق