.. حدوتة قطة .. ... بقلم الشاعرشريف رستم ....

...... حدوتة قطة ......

انتى فاكرة..

.. انى هتحايل عليكى ..

..ولا يعنى هبوس اديكى ..

..عادى حدوتة وخلصت ..

..زى ما 100 حدوتة بتخلص ..

..طب مانتى بقالك مدة بعيد ..

.. وقلبك قاسى كانة حديد ..

..وكل شوية زعل وخصام .

.وانا تعبت محايلة ..

.. وزهقت كلام ..

..مرة اطبطب ومرة ادلع ..

..وانتى كلامك كلة ملام ..

..ماهو زى ماتخدى زى ماتدى..

...فكرك يعنى انا هفضل ادى ..

.. واصبر واقعد ايدى على خدى..

..عمر الحب ماكان ببلاش ..

..عاوزة تحبى كدة وخلاص..

..حبة عليكى وحبة عليا ..

..كنتى فى قلبى وجوا عنيا ..

..بس انتى بخيلة وبخلك ماسخ ..

.. اصل البخل فى طبعك راسخ..

..بس اهى دنيا ولازم تتعاش ..

..هما يومين وانا هتعود ..

.. وانت ياغلى برضوا هتتعود ..

واهى حدوتة وخلصت ..

.. زى ما 100 حدوتة بتخلص ..

......... بقلم شريف رستم ....

..........3/2017