ناس من زمان
كان ياما كان قبل الأوان
ناس من زمان قالولنا إيه
قالوا في بيان إن الهوان
جليس ونيس من يرضى بيه
قالوا كمان إن اللي هان
يصبح مهان ماهو دين عليه
وياما قالوا إن اللي خان
خان عشان دا طبع فيه
وإن اللي بان ورا البيبان
ما بان إلا أما فتحنا ليه
وكمان قالولنا إن الحرام
نتعرى لو نتغطى بيه
والتعبان يبخ سمه
في اللي بس جه عليه
والبهلوان دا ألعوبان
حتى لو كتفنا فيه
وإن الإيمان هو الأمان
والحصن اللي بنتدارى فيه
والإنسان مليان ديدان
بعد الممات بترعى فيه
آن الآوان نسمع كلام
قالوه زمان ماعملنا بيه
بقلم طارق السيد
ليست هناك تعليقات:
إرسال تعليق