يارب ولد
عاتشتكى؟
نفسك مايعه عايزه تردى الوكل
تبجى شايله
جولت الحمد لله يارب يكون ولد
جعدت تسع شهور
ادعى اجول يارب ولد
يبجى راجل
ربى استجاب ووهبنى الولد
اصلى كنت بدعى فى السجود لرب العباد
وسميته عبد الصبور
لاجل مايكون صابر وعنده جلد
علمته كيف يكون راجل ويصون العهد والارض
ماشاء اللله بجى اطول منى واهل القريه بيحبوه اضله كمان ولدهم
طلبوه للجيش جولت وماله يروح اهوهايزيده من الرجوله رجوله جالى يااما عاسيبك وسط البرارى بعدما بوى راح
ياولدى البرارى ياما حنت على البشر
وطالما ربك موجود ياعبد الصبور روح روح ربك موجود
خلى بالك ياولدى ارضك هى عرضك
سمعت زغاريد هنا وهناك
الناس بتهلل تعالى يااما شوفى ولدك
ولدك سايج دبابه وعلى الارهابى راح وماهابش
داس السياره وماهابش
لا مفرجعات ولا جنابال
اللى خاف منه وعليه تروح ارواح من البشر عشان كده مهابش
هو ولدك عبد الصبور ياما هو ولدك زين ماربيتى
وشهقت ام ولدنا من الفرحه ولبست الطرحه
ليست هناك تعليقات:
إرسال تعليق