بلدي..ماليش غيرها
*****************
أنا زيك كوياني النار
والأسعار خلاتني ف غم
الأسعار سكينة دبحتني
اصحاونام علي كرب وهم
بس أنا عارف بلدي كويس
عمري م أساوي الجاز بالدم
حتي لو اكل عيش بالدقة
أمن ولادي عندي أهم
احنا ورثنا ديون أجدادنا
هودا حظ الورثة ياعم !
لما الفسدة سبوها خرابة
وانتا بتبني لازم تنحم
عارف اني ف مالطة بنادي
وهشوف سب وهسمع ذم
من واحد غرضه يولعها
ضحكوا عليه أو هو اتخم
هي بلدي وماليش غيرها
هدد اشتم قول لي اتلم
بس تبص لعيال سوريا
لو عندنا انا اشرب سم
تحيا مصر وتحيا رجالها
مليون تحيا بملو الفم
هي العش اللي بيحميني
حافظ فضلها حفظ وصم
********************
كلمات / صلاح خليفة
ليست هناك تعليقات:
إرسال تعليق