طلة انبارح
قلبى اللى سارح
ف الغطان
طارح
غناوى حلمنا البايت
هفهفة صوتك الباهت
يا ضلة الحلم اللى
بيدور ع الرصيف
انتى الوجع
وانتى الخريف
لملمينى
عود قرنفل
قلبى يشتل
كل احلامك
من منامك
حلم يشغل
يا
طلة انبارح
يا
قلبى اللى سارح
انتى المكان
وانتى المطارح
يا
سمسميه بتتنفض
ساعة الغروب
انتى اللى ناويه
ع الهروب
قلبى اللى مربوط
ف محرابك
كاتب اسامى حبنا
داققها على بابك
يا ضحكة الليل
المسافر بالوجع
ما تبدليش
الحلم جالك
من سمع
مين سمع
مين اللى سافر
مش رجع
قلبى لقبك
مرتجع
يا
زمزميه بتنقطع
انسى الوجع
وانسى ساعتها
اللى رضع
نصر هاشم
ليست هناك تعليقات:
إرسال تعليق