نصيحه ياشاعر بقلهالك محدش من الجمهور هايفيدك.
ولا حتى هياخد بإيدك ويراعى شعورك واحساسك.
التفت لبيتك وأولادك انت عايش اوهام مش موجوده غير ف خيالك.
كل حاجه بالفلوس ودا شئ متعب بالنسبالك وهتفضل تبكى بدمع عينك.
وتعبر لكن هاتخسر وضعك وكيانك وصورتك قدام أصحابك.
مافيش مليم دخل جيبك ودفعت عشان تثبت وجودك.
لكن الرد صعب يجيلك وشئ بعيد ومش من نصيبك.
وشئ مؤلم بيهدد حياتك وهاتكون سر فشلك وانهيارك.
بسبب كتاباتك ومحدش معجب بأشعارك وروعة ابداعك.
عشان توصل لازم تدفع من جيبك وفاكر ان الكلمه تحسن من كيانك.
وتكون سر تفوقك عن غيرك لكن الحقيقه سر فشلك وانهيارك.
ابعد وبلاش تشغل تفكيرك بحاجه مش موجوده غير ف خيالك.
ولحد كدا وكفايه انتهت رحتلك واترك المسرح لغيرك.
مافيش فايده من كلامك وروعة ابداعك.
لان المقابل هاضيع مستقبل ولادك وتكون السبب ف حزنك وعذابك.
مين الشخص اللى هايعترف بوجودك حتى ف بعدك وغيابك.
صدقنى دى الحقيقه اللى لازم تشغل ف يوم تفكيرك.
انا صاحبك والوحيد اللى هافيدك والفلوس افضل شئ يسعدك ويعالى من مقامك.
لكن الأشعار محدش فيهم هايديلك او يراعى ظروفك وعذابك....
طاهرمختار.....
طنطا..كفرالزيات..اكوه
ليست هناك تعليقات:
إرسال تعليق