ناس وناس
............
ناس وناس في دنيتنا
عارفين أسرارنا وحكايتنا
يموت القلب لو غابوا
وهان عليهم عشرتنا
.....
وناس تتمنى خطوينا
ونبعد عنهم بإيدينا
بنجرحهم ومش قاصدين
ومانشوفهمش بعنينا
......
وناس تعدي ما تسلم
وناس بسكوتها تتكلم
وناس لو لقيوا لحظة حب
تسرق قلوبنا ما تعلم
.......
وناس قلوبها مليانه
بطعم الحب عمرانه
وناس لو جيت تحاسبها
اعمالها طالعه خسرانه
........
وناس في الفقر عايشه
وناس في طريقها ماشيه
وناس في ليل شتاها
في عز البر سهرانه
.........
وناس في حياتنا كدابه
وناس في اللسته متسابه
يمكن بكره يجيها الدور
واهي دنيا ودايره بغرابه
........
وناس حسدانا في كلامنا
وناس بتسرق احلامنا
وناس لا همها أخره
ولا حساب يوم القيامه
............
بقلمي /حمدي رمضان ابوعمرو الريشي
ليست هناك تعليقات:
إرسال تعليق