(مستحيل تتبدلى )
رغم خوفك م الظروف
والحقيقة والزمن
لسه شايفة فى حضنى جوف
مهما كان هو التمن
لسه خدك البرىء
بتلاعبنى غمزته
لما ضحكك الجرىء
يمحى اوقات الشجن
لسه فيكى الف صوت
قال حبيبى وباعشقه
لو نهاية الحب موت
م النجوم انا هسرقه
لسه ماشية فى ألف ميل
مستحيل تتحولى
مهما كان الليل طويل
بكره لازم توصلى
ياللى ساكنة فى كل جوف
قلبى ملكك واسألى
مهما تبعدنا الظروف
مستحيل تتبدلى
ليست هناك تعليقات:
إرسال تعليق