//////// حبيبتي
ّعيشت عمر جديد في لحظه
لما قولتي انك حبيبتي
لما بصوت قلبك ندهتي
لما احمرت خدودك
لما بشفايفك يومه نطقتي
لما بعيونك ساعتها ابتسمتي
صدقيني وقتها يمكن لا حظتي
اني صايم عن الكلام
لما رموشك بالشوق خدتني
ولما الدفا في حضنك ناداني
لما سنين الدموع سابتني
بلمسة شجن حسيتها في ايديكي
لقيت عمري ابتدا في ثواني
سيبت سنيني اللي قبلك
وجريت عليكي
فتحتي ايديكي دفاني حضنك
من خمر الحلال شفايفك سقتني
شربت عطشت شربت تاني
سمعت صوت قلبك اغاني
انتي حلم حلمت بيه طول السنين
انتي عمر كنت اشوفه بعيون حزبنه
اقوله ياتري انت مكتوب لمين
انتي بحر موجه هادي
نفسي اعرف شطوطه فين
انتي زهره ربيعها نادي
بين ضلوعك قلب راضي
انتي وحدك دنيا النسا
انتي زمن بسنين الحنين
وعد مني ياحبيتي وانتي عارفه
ان الوعد دين
عمري كانت بدايته بيكي
صدقيني كل لحظه هعيشها ليكي
اخاف من نسيم الشوق عليكي
احفظ سر هوانا وعنك مش هغيب
هشيل معاكي همومك
هبقي عطر في خيوط هدومك
ولو جه حاسد في يوم يلومك
بعمري اللي باقي هتلاقيني
سيف حق بينور سنينك
///////// بقلمي
///////// دكتور احمد حافظ
ليست هناك تعليقات:
إرسال تعليق