( آية ونسرين )
هما يدوب اتنين
واتقابلوا فى حكاية
الاسم كان نسرين
صاحبتها كات آية
ع الحب متواعدين
رافعين شعار راية
صح الجسد لاتنين
لكن انتى جوايا
قابلوا فى يوم حبيبين
كان اسمهم أحمد
دابوا فى غرام وحنين
والقلب صار أجمد
آية نست نسرين
ونسرين بقت أجحد
نسيوا الشعار الاتنين
وقعوا فى غرام أحمد
وتمر بينا أيام
أسابيع كمان وشهور
باعوا الغرام بغرام
لكن غرام مكسور
وأما جمعهم يوم
صدفة وهدوا السور
نسرين ماليها هموم
وقالت حبيب مغرور
واية قالت كداب
دايما عليها يدور
سابت لقلبه الباب
عشقت بحور وبحور
عاشت غرام فى عذاب
حل الضلام بالنور
وبعد أما شبعوا عتاب
آية كانت بتقول
صح الحبيب كداب
لكنه كان أجمد
قلبى اتجرح واتساب
لكن حبيب أحمد
وقالت كمان نسرين
حبى اللى كان أجمد
أحمد بتاعك مين ؟
يجى ايه فى حبيبى أحمد
قالت خلاص خالصين
واهى صوررته ويايا
أحمد بتاع نسرين
طلع بتاع آية
واحد جرح الاتنيين
وجرح القلوب غاية
دايما فيه ناس واطيين
تجرح بدون راية
كل الحكاية اتنين
كانوا صورة فى مراية
باعوا الغرام بحنين
واتكسرت الآية
أجمل وأحلى اتنين
اتهدوا لبقايا
الاسم كان نسرين
والتانية كات آية
ليست هناك تعليقات:
إرسال تعليق