( ست الستات )
قالولي اتجوزي
دالجواز ستره
ويكفيكي شر الوحده
دا انتي حتكوني
في قلبه اميره
وفي بيته عسل وطحينه
وابقي اربطيه بدسته
عيال
يبقا تحت باطك زي
عبدالمتعال
قلت وليه لأ
توكلنا على الله
جيبوا الفستان والطرحه
واعزموا إحسان ونجوى
بس بلاش مروه
دي عنيها مدوره وتخينه
وجيبوا سعد يزفني
عايزه ارقص لحد مالتعب يهدني
وفي يوم وليله بقيت حرم
سي عبدالمتعال
حاجه طويله بدون ملامح
تتقال
قلت يابت كبري اهو ضل
راجل ولا ضل حيطه
بكره يجي حماده فارع
ويبقى لاعب ولا سفير
وجت بطه وبعديها خوخه
ولحقتهم نهلة يادي الحوسه
وبقت حماتي زي الشوكه
ولفي يالمونه يادي الدوخه
قلت مابدهاش
شمري يااختي عن الأكتاف
وزعببي بصوتك وخليه
زي الصرصار يكلم نفسه
ومحتاس
والاميرة ياحلوين بقت ام
اربعه وأربعين
مهي دنيا ماتجيش الا بالدراع
وبالمغرفه تبقي يالوزه
فشر ست الستات
وعجبي 
😆
😆
.
بقلمي نونا محمد
( عبدالمتعال / هو رمز لشخصية عبدالمتعال في مسرحية ريا وسكينة )
ليست هناك تعليقات:
إرسال تعليق