=====انسى=====
تصدقوا
كل شارع مشينا فيه
بألجأ اليه
اكلمه يحس بيا واحس به
باحن له واقول ده شارعى
وافرح قوى
بس يغلبنى دمعى
حتى المكان الى شفته
مرة فيه
اجرى عليه
لما احس
بنار حرمانى قايدة
اترجى المكان
يعيد الى كان
ويصالحنى عالزمان
وياريت ..بفايدة
اشعر بصوت عالى فى سمعى
يقولى انسى
ووقتها تانى يرجع
يغلبنى دمعى
تصدقوا
امسى بقى زى الصباح
من غير بلابل ولا صياح
لليلى من غير نجوم
فجرى ..سهد وهموم
قلبى يصرخ
يقول حبيبى
انا المظلوم
صوته يرد زى الصدى
واسمع ندا
يقولى انسى
واطفى شمعى
وتانى يرجع
يغلبنى دمعى
هو ايه جرى لحبى
هو انا مظلوم بجد
ولا انا الى ظلمت قلبى
هو ايه جرى لحبى
هو كتر خوفى عليه
يعمل كده ؟
ولا خوفى زاد شوية
يعنى كده
هو فى حرمان وقسوة
بالشكل ده ؟
لى رب اسمه الكريم
ديما حليم
على كل قلب اخلص
فى حبه كده
بس انا الى عذابى طال
ياناس محال
حد يقدر حتى فى خيال
يعيش يومه وشوقه كده
شوقى غير خط سيرى
وانا الى عمرى
عايش لغيرى
وفى النهاية ارجع لعشى
وابص فى مرايتى
الاقى وشى غير لى حالتى
اجرى على نفس المكان
اصرخ واقول ليه يازمان
واحس تانى بنار
حرمانى قايدة
وياريت بفايدة
واشعر بنفس الصوت
فى سمعى
يقولى انسى
وتانى يرجع يغلبنى دمعى
ومش راح انسى
=====رمضان على=====
ليست هناك تعليقات:
إرسال تعليق