"" تغيير اللهجة ""
" غير رشقت ليه "
غير رشقت ليه
بالشفار
وبشوفة
من تحت العين
وبهزة
تسمعات ليه
على الأرض
بالكدام
وهو يلتف
وهو يتلف
بان ليه
القد
والشعر مدلي
فوق الحزام
هداك الشيباني
وهو يتيه
ما بقى يعرف
راسو فين
وما بقى يعرف
راسو من رجليه
قلباتو
على كفاه
واللسان
تعثر ليه
وبدا غير كيتمتم
وسار
هو غادي
ويلعن
فالشيطان
وفمو محلول
وعينو كدور
ونسا راه
غير همزة
بالعين
كتنسي كل فاهم
فداك شي لدون
هادي سنين
ومحاه
وغير الحرف
لي ازكل
وتقرات الها ليه
بالغين
مشى كل ما اقراه
في رمشة
من العين
ويقدر يجرو
هداك الشيطان
لي هو غادي
فيه كيلعن
بين الخنادق
والوديان
ويغرق
حتى الودنين
ويصبح
في خبر كان
بقلمي : أحمد بنادي
ليست هناك تعليقات:
إرسال تعليق