خلص الكلام
خلص الكلام .. ياللى بتسأل عن سلام
السلم بين الناس رحل
لما الشيطان بينهم دخل
ماتنتظرش غير كلالالالالاممم
المصلحة هى اللى بتحرك فى ناس
قاعد تغنى عن الإحساس
دى حاجة تلقاها ف أحلام
زى الغرام .....
بقى شهوة أو حبة أوهام
إبليس نجح فى مهمته
واقف مجهز عدته ..
ولسه مستنى السلام ؟!
طوق النجاة .. مع الصلاة .. جوا الدعاء
مع عمل صالح تخبط به على دار السلام
خفف من احمالك ... وحسن نيتك
وخلى عين قلبك تبص لآخرتك
هى الحياة .. هى الأمل والابتسام
ازرع هنا .. علشان تلاقى حصاد هناك
إوعاك تحيد عن الطريق المستقيم
بودعك .. بعد ماسلمتك زمام
وخلاص بقى ... خلص الكلام !!
حسن رمضان
ليست هناك تعليقات:
إرسال تعليق