(حب من طرف واحد )
والدمعة من عينها
تنزل بدون مواعيد
مكتوب على جبينها
عاشقة وبحب جديد
بس البعيد فينه
عايش بقلب عنيد
النظرة من عينه
طالعة كأنه حديد
عايش ما بيحبش
أو قلبه ده تقليد
يمكن ما بيحسش
يمكن عاوز تجديد
مهما توضحله
مهما تعيد وتزيد
بهداوة تشرحله
يضحك كأنه فى عيد
إزاى أنا أحبك ؟
ده أنا فى الولاد المان
ده انا أجمد الشلة
معروف بتاع نسوان
وانتى يدوب واحدة
وسط اللى عشقونى
فما تزعليش منى
مش لاقى فيكى جديد
مش ذنبى أنا عاشقة
لقلب خامته حديد
ممكن تقول لأه
خليكى عنى بعيد
هتبصلى بشفقة
هتلاقى قلبى سعيد
ما كفاية بصيتلى
حاسة بهوانا جديد
عشقونى كام واحد
العشق مش بالايد
عشقت انا واحد
شايف هوايا بعيد
حبى طرف واحد
بس الأمل بيزيد
لو حتى كان جاحد
بكره يجينا العيد
#محمود_المزين
ليست هناك تعليقات:
إرسال تعليق