مشتاق أنا
ومين يشعر باشتياقى
غير فؤادى
ومين غيرك يا ضى عينى
هيواسينى
فى محنتى
ومين يطفى بركان
حنينى ولهفتى
يا كل ذاتى
يا بداياتى ونهاياتى
يا فرح قلبى
وتفاصيل حياتى
ياعمر عدا وعمر آتى
مشتاق أنا
ياحضن دافى
يا نبض صافى
الود ودى احضنك
وبكل حنانى اغمرك
واحسسك بحبى ليك
واحتويك
وادوقك معنى الغرام
وجنونى بيك
انت مش عارفه الحقيقة
فى الحقيقة أنا قلبى حبك
والغريبه إن نفس الحقيقة
حرمانى قربك
بس انا بطلت ألوم
سلمت امرى للى خلقنى وخلقك
ورضيت اعوم
على كل دفه وكل وموجه
واقول نصيب
خلاص بقى كل شيء عادى
وبالكآبه مليون كئيب
بس انا مشتاق
قتلتنى قسوتك يا فراق
مبقتش قادر على الخداع
والتظاهر بالسعادة
أنا كرهت الاصتناع
نفسى أعيشها عادة
نفسى أضحك من كل قلبى
وحضنك يبقى الوسادة ..
ليست هناك تعليقات:
إرسال تعليق