"ترياق رجوع"
لهشام الشامي
مشينا ع الأشواق سوا
بصحبة حلم حبنا
كتبونا رشة دوا
للشوق الي ف جسمنا
ياأهل الهوا مطلوب لقا
قبل ماتروح روحنا مننا
من فتره لفتره بنتكلم
وعيونا ملهوفه ومشتاقه
مابين فتره وفتره بنتألم
وعيونا بتحلم تتلاقا
وبعد السنين أستنشق ريحتها
رسمتلي ذكرياتها ،، عيونها ،، غمازتها
كل شئ كان ليها حلو
وبعد القهوة الساده
هلت ياسادة
بعيونها تداوي
فاضت عيوني بالدموع
هلت بترياق الرجوع
حلم وعشت أحلم أنوله
ضم الحبيب من تاني
وعيوني ملهوفه للقا
والعيون المتشوقه
شوقي مكشوف للملأ
فتحت دفاتر يومياتي
الدموع ماليه الورق
عيونها بتلمع بالأشواق
وروحي مني بتنسرق
ويا تنهيدة بكا كان حضنها
أنا أسفه ع الفراق
وليالي الإشتياق
لا كان بإيديك ولا كان بإيدي
برغم عناد الزمن أنا مش هسيب إوعاكى تسيبي
#الشاعر_هشام_الشامي
ليست هناك تعليقات:
إرسال تعليق