قصيدة / ( ابنى تايه )
بقلمى / هدى سيد
٢٠١٦/١٠/٢٤
إبنى تايه يا ولاد الحلال
كان ف حضنى واتخطف
ضاع ما عارفه له مكان
حضنى أصبح بحر نار
والحياة صبحت مراااار
إبنى تاه وروحى له
متشوقة
فى انتظاره وانتظار وقت
اللقا
إبنى تايه والحقيقة
عقلى سابنى وتاه معاه
قلبى شق صدرى وراح
يجرى وراه
والدموع هى اللى فضلت
جنب منى
تحرق العين والخدود غصب
عنى
بين البكا والاختناق تطلع
التنهيدة منى
والوجع اللى ماليها يحرق باقى
منى
ليه يا نن عينى بس بعدت عنى
لو ف قلبك حاجة منى كنت
قول لى
كنت هافضل اراضى فيك
كنت هاستسمح وأتاسف تانى
ليك
كنت هاركع تحت رجلك واشتريك
ده اللى عدا من حياتى عشته ليك
واللى باقى من حياتى حشته ليك
لو بإرادتك تهت منى إرجع لى
بالله عليك
وإن كنت اتخطفت منى مستعدة
أفتديك
نادوا بعلو الصوت معايا ارجع لى
مشتاقة ليك
يا ابنى إرجع مشتاقة لك طفى نارى
أبوس ايديك
إبنى تايه يا ولاد الحلال بقلمى / هدى سيد
ليست هناك تعليقات:
إرسال تعليق