بحب النور .... شعر / م . محمد الجوجرى
عمرى ما حبيت الضلمه
طول عمرى أحب النور
ولا عمرى مشيت فى العتمه
ولا يوم استخبيت ورا سور
ولا كلمتى مشيت ورا زفه
ولا جربت ألف وادور
وبحب أنور فى الطريق شمعه
ولا بحب أظلم أو أجور
وبحب الشمس تكون طالعه
تنور وتكشف المستور
حوارى أحبه يكون بالبسمه
ولا أحب أغضب أو أثور
وأحب الدنيا تكون كلها سامعه
وشايفه الحقيقه شطوط وبحور
ماحبش أزرع فى أراضى بور
وأحب الناس كلها حالمه
وأكره كمان النفاق والزور
وأطمع من ربنا فى الجنه
اتمتع بنعيمها والعسل و الحور
ليست هناك تعليقات:
إرسال تعليق