وقدام دكان الحاج عبد الستار
بقلم الشاعر #بن_عابدين
وقدام دكان الحاج عبد الستار
وعلي الرصيف قاعده بقفصين خضار
وعلي الحال دا بقالها سنين
وبيعاملها معاملة الخدامين
من بدري قبل ماتفرش
تكنس الرصيف وللمحل تسيق
وخضار بيته مره يطنش ومره يدفع
وفي يوم وساعة إصطباحه
كنست ورشت وسيقت المحل
ويافتاح ياعليم يرزاق ياكريم
ولسه بسم الله الرحمن الرحيم
محدث نعمه مشفتوش بقالها سنين
يركن جمب الرصيف
تٍصعب عليها حال الدنيا
بقا الحافي الي مكنش لاقي حق الرغيف
يركب عربيه بالفخامه ديه
ميكنش ليها أجنحه وبتطير
قفل عليه بركنته
لازبون شايفها ولابتشوف طلته
ومراقبه بعينها حفاوة الحج عبد الستار
وبعد مرحبتين ولفوا السيجارتين
وبعدها من القهوة شربوا فنجانين
والوقت بيعدي لاباعت ولااشترت
وابوا عربيه مدام جه وانبسط
هيجي كل يوم
صٌعب عليها والدمعه بتفر من عينيها
وأه يابلد حتي مستخسر فينا
بلاطتين علي الرصيف
نبيع ونشتري فيهم ونجيب حق الرغيف
عشانهم كرامتنا متهانه وليهم خدامين
يارب فرجك يارب يانصير المستضعفين
بنحلم بالستر والكرامه مدام عايشيين
الشرف غالي علي الغلابه
وبصبرنا وإيمانا هنفضل عليهم محافظين
ودي قصه من ملايين
ووجعي
ليست هناك تعليقات:
إرسال تعليق