ق/روحي مشتاقة لعينيك
ك/أحمد عبد الرحمن صالح
~~~~~~~~~~~~~~
يا حبيبي
نفسي اثبتلك بإني
حُبي ليك مابينتهيش
~~~~~~~~~~~~~~
او في يوم اقدر افكر
ثانية من غيرك أعيش
~~~~~~~~~~~~~~
ده الحياة في بعادي عنك
ليل طويل مبيتمحيش
~~~~~~~~~~~~~~
ويل جراح وعذاب وقسوة
والليالي متساويش
~~~~~~~~~~~~~~
لحظة اسرقها في قربك
يلي غير قلبك مليش
~~~~~~~~~~~~~~
نفسي اعيش العمر جنبك
من هواك متصحنيش
~~~~~~~~~~~~~~
انسي كل حاجه قبلك
في حاجات مبتنحكيش
~~~~~~~~~~~~~~
يلي عشت في حضن قلبك
احلا ليلة متتنسيش
~~~~~~~~~~~~~~
أفتكر لو غبت عني
الدموع متكفنيش
~~~~~~~~~~~~~~
دانت ابويا وانت امي
كل حاجه فيك بعيش
~~~~~~~~~~~~~~
حلم غالي بعيد عليا
نفسي اوصلك نعيش
~~~~~~~~~~~~~~
احلا ايام في غرامنا
شوق ورقة متختفيش
~~~~~~~~~~~~~~
يلي ساكن جوه مني
للمشاعر مادريش
~~~~~~~~~~~~~~
لو في يوم قلبك خاصمني
اقسي بس متنسانيش
~~~~~~~~~~~~~~
اوعي يوم تتخلي عني
هبقي من غيرك مفيش
~~~~~~~~~~~~~~
حاجه ضايعة بين ليالي
رافضه من غيرك تعيش
~~~~~~~~~~~~~~
انت حلمي والاماني
عمري فيك ميقضنيش
~~~~~~~~~~~~~~
لسه عندي فيك أمل
تمحي ليل ما بيتمحيش
~~~~~~~~~~~~~~
دي الاماني في عيونك
نبض بسمه متتنسيش
~~~~~~~~~~~~~~
بعشق دايبه في غرام
يلي غير قلبك مفيش
~~~~~~~~~~~~~~
لو في يوم النوم غلبني
من هواك متصحنيش
~~~~~~~~~~~~~~
بين ضلوعك يلا سبني
انسي روحي بيك واعيش
~~~~~~~~~~~~~~
بالحنان اديك عينيا
القساوة ماترضنيش
~~~~~~~~~~~~~~
كلمة حلوه راح تقولها
تلقي طفلة بين ايديك
~~~~~~~~~~~~~~
بعشقك
غيرك مليش
~~~~~~~~~~~~~~
ليست هناك تعليقات:
إرسال تعليق