حب وإيثار
حبيته اكتر من روحى
وفى حبه طلع لى روحى
ولا عمره بيقول لى محبوب
وأنا فى حبه دايب دوب
وكان يقول لى ان أنا دبدوب
عشان تخين واللبس يدوب
وتقول لى قال زى أخوها
يادى المصيبة يادى الدوخة
وفى كل مرة تطلبنى
تاخد فلوسى وتطردنى
ده حب ولا بهدلة
اوغسل يعنى فى مغسلة
وبرغم كل اللى رويته
قلبى يميل له وحبيته
وفى مرة دقت فى التليفون
قام رد قلبى بكل جنون
وقالت لى عايزة استشارة
فى الحب جامدة وجبارة
وقلت لها من قلبى وروحى
يا جاحدة يا مطلعة روحى
وسألتنى ليه مش عارفة تنام
وسعيدة ده بفارس الأحلام
بتحبه قال وأنا عندى زكام
وبكيت فى قلبى ده أنا إنسان
وبتوصفه وكأنه وزير
وأنا كوز فى حلة طالع من الزير
وتقول وسيم جذاب وشباب
وأنا اللى وشى سواد وهباب
وكأنه فارس بنى خيبان
وأنا المقفع الخيبان
وقلت بمرور الأيام
يمكن راح أنسى من التوهان
ولما لقيت فى عينيها هيام
وسعادة ما تتقدر بالمال
هنيتها وقلت لها قوام
مبروك يبارك لك يا حنان
اتمنى ليكى كل سلام
وأنا عقلى طار من الفرحة كمان
لأن حبى إيثار وجنان.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق