ست الحسن )
يا أجمل بنت فى بلادى
يا طير شادى
واقف ع الغصن
أنا عاشقك
يا ست الحسن
ولو كان قلبى
مش كافى
فيكفيكى
الحنان فى الحضن
هكونلك أب.. زوج
او ابن
فى عشق ملامحك اتسابقوا
لكن وحدى
ما شوفتش جٌبن
ودق القلب قالهالك
وصفهالك
خادتها الودن
يا أجمل م الجمال والروح
بحبك بس ليه خايف
باقولهالك بصوت منبوح
وليه للقرب مش شايف
وليه القلب فى وصالك
بتبقى ملامحمة مكسورة
وأول صورة خدهالك
ما كنتيش انتى فى الصورة
وطلعت واحدة م الجنة
فى شكل ملاك وحورية
يا قلبى دى ناس ماههيش منا؟
يا قلبى دى غيرها مش هى
واتارى الصورة كات انتى
لكن بعيونى مرسومة
يا أجمل بنت فى مدينتى
ملامح قلبى مقسومة
ما بين عاشق وبين خايف
وبين فرحة وموهومة
بقيت غيرك مانيش شايف
وشايفك فيا مصدومة
#محمود_المزين
ليست هناك تعليقات:
إرسال تعليق