قلب وراح
*******
لسه ما شبعتش ياقلبى
حزن صاحبك من سنين
جاى تسأل عالسعادة
سرها او هى فين ؟
هى حدوته قديمة
اصلها من كلمتين
الحبيب ويا الحبيبة
بالهنا متجمعين
زى ما حكيت ياشاعر
عن بهية وعن ياسين
اسمع الاهات تعالى
بكرة تحكيها انين
ادمعى ياعين وجودى
دمعتك فين من سنين
ليتنى ما كنت شاعر
او شربت من المشاعر
ولا صابنى حب داعر
يحرق القلب بحنين
ده مرار الهجر واعر
مره طافح -- مره طالع
للسما لآخر مدى --
ولحد فين؟؟
لما ضلم على نور العاشقين !!
ارحموا القلب اللى فاكر
ان حبيبه عامله خاطر
وان حبه لسه عايش
وان يوم الوصل باكر
والفراق مش للحبايب
اللى حبوا بقلب دايب
ده الفراق للميتين !!!
---------
طارق العيسوى
ماشاء الله ابداع
ردحذف