////// حبيبتي
انا لما ما لقيتك قصاد عيني
تعب قلبي ولقيتني بدور علي
نفسي علي عمري
هربت مني الحروف وانا حابب
اكتبك شعري
وما حد غير قلبك بيسحرني
ولا غيرك بيفهمني
رسمتك صوره في عنيه
وسمعت صوتك كمان غنوه
ونقشت حروفك علي صدري
عشقت عيونك الحلوين
ولونك الخمري
احتار قلمي في وصفك
وخاف الورق من حروف اسمك
ومهما يطول الزمن بيكي عمره
ماييجي يوم عنك يغيرني
بحلم اكون انا عمرك واخد
من عمري يزيد عمرك
ولو لقيت الزمن قاسي هيتحدي
الزمن صبري
هكون ايوب في بلواه ومن شكوي
واناجي المولي يشفيني
من ألمي والاقي قربك يصبرني
انا عاشق سنين زمنك انا مداح
علي بابك
انا اللي صورتلك شوقي قصايد
عشق في شعري
قصايد طاهره بتنادي وتدق
بالحب اعتابك
تواسيني في ليل السهد
في غيابك
لما بلاقي شوقي ليكي ياخدني
يحرم علي جفوني النوم يسهرني
بغنيلك بصوت عالي غنوه وكام موال
واشكيلك ضنا حالي واحلم
انك تضميني
من غيرك بلاقي دنيتي اوهام
اسرح فيكي بخيالي وحضنك
الدافي بيغمرني
ياخدني النوم علي صدرك
ولمسة ايدك بحنيه تكلمني
واسمع همسك بصوت خاضع
بيدعي رب كريم
يارب باقي عمري من حبه
ماتحرمني
////// بقلمي
//////// دكتور احمد حافظ
ليست هناك تعليقات:
إرسال تعليق