صرخة الم
اصرخ وقول يا قلم
ورق الجرايد داب
فى قلب قلبى الم
من الدم والارهاب
بعض الولاد اللى تاهو
اللى باعوكى بقليل
يحرم عليهم هواكى
ولا يشربوش م النيل
يامة المصطفى مالكم كده ساكتين
اللى يسب النبى
واللى يسب الدين
يابونا رن الجرس
واعلنها للملايين
مسيحى مسلم سوى
احنا مصريين
الارض ارض الله
لكم دينكم ولى دين
ياشيخ على المنبر ادعى الرب يحفظنا
ازرع بذور الحب ..رتل وحفظنا
اصرخ وقول يا شعب
واهتف فى كل ميدان
ارض المسيح مصرنا
محفوظه بالقرأن
مسيحى مسلم جنود
على الحدود ددبان
جرس الكنيسه امل
صوت الادان انسان
يارب احفظ بلادنا
وحد قلوبنا وولادنا
اصرخ وقول يا قلم
ورق الجرايد داب
اصرخ وقول ياشباب
قولو لا للارهاب
.........................رشاد الدهشورى
ليست هناك تعليقات:
إرسال تعليق