::::::::كركب ف مشغلك:::::::::::
كركب يا صاحبي ف مشغلك
وافرد شراعك للمركب
الفقر قاسي مش غلك
عصير كفاح ع المُر كُب
وان خانك الحظ وذلك
اياك تطاطي و تسلم
وخدها جد اوفرلك
وابني وعلي ف كام سلم
الخطوه ع الدرجه بدايه
اياك تغفل تتكعبل
هو العلا اصل وصايه
ميه على كعكه هتبل
هو كدا المره تملي
وبيشد ف العزم وبيمد
هو العسل لونه خلّي
والطعم يحكي عنه الجد
واسمع كلامي ويخلّي
احلام سعادتك قدامك
والضحك ع المر يحلي
واجري وسابق ايامك
بقلم فهد النحراوي
ليست هناك تعليقات:
إرسال تعليق