( حتة سكرة )
فاكرة حبيبتى حبنا
إللي كان بينا زمان
كان بينا مودة وعشرة
وإخلاص وحنان
كنت بحس وأنا معاكٍ
بوفاء وأمان
ما تيجى نرجع ذكرى جميلة
ونعيش الحب إللي كان
كانت بشوف الدنيا فيكٍ
وردة جميلة صغيرة
وكلمة بحبك من شفايفك
في حلاوتها زي حتة سكرة
كنت بشوفك بدر عالي
لابس طرحة مدورة
حتى ضحكتك الجميلة
زي الشمس منورة
ياللى عمرى أبتدا بيكٍ
ٍ وبعيونك السهرانين
لسه فاكرك مش ناسيكٍ
ٍوقلبي مليان ليكٍ حنين
يا حب ساكن جوا كياني
يا بسمة مسطرة على الجبين
نفسى نرجع سوا للماضي
ونعيش مع بعض حلم السنين
وأبنيلك قصر من دهب وفضة
وأزرع لكٍ فيه ورد وياسمين
وأعيش معاكٍ حبيبتى تاني
زى ما كنا صغيرين
=======================
بقلم / مبروك علوه
ليست هناك تعليقات:
إرسال تعليق